माझा आवडता विषय गणित मराठी निबंध | Maza Avadta Vishay Marathi Nibandh

तसे पाहता शाळा कॉलेज मध्ये अनेक वेगवेगळे विषय शिकवले जातात. परंतु काही विद्यार्थ्याना एखादा विषय अधिकच आवडतो. मला शाळेत असतांना गणित विषय खूप आवडायचा व माझा आवडत विषय गणित होता. म्हणून आजच्या या लेखात आपण Maza avadta vishay Essay nibandh पाहणार आहोत. तर चला सुरू करू...



१) माझा आवडता विषय मराठी निबंध | maza avadta vishay marathi nibandh

मला लहानपणी पहिल्या इयत्तेत जेव्हा गणित शिकवले तेव्हापासूनच मी गणिताचा प्रशंसक आहे. माझ्या शिक्षकांनी मला 1 ते 10 पर्यंत अंक वाचन शिकवले होते. नंतर माझ्या आईच्या मदतीने मी 50 पर्यंतचे अंक शिकले. मी या विषयाबद्दल अधिक शिकण्यासाठी उत्सुक होतो. गणित शिकण्यात माझ्या आईने मला खूप मदत केली. तिने स्वयंपाक घरातील वस्तू जसे चम्मच, संत्री, फळे इत्यादी मोजून माझा गणिताचा पाया भक्कम केला. 


गणितात असलेली माझी आवड पाहून माझी आईने लवकरच मला अबॅकस क्लास लावून दिला या क्लास मुळे तर माझे गणित अधिकच मजबूत झाले. जेव्हा माझे वडील मला खेळणे घ्यायला घेऊन गेले तेव्हा मी त्यांच्या कडून अबॅकस मागितले. अबॅकस ही गणित शिकण्याची प्राचीन पद्धत आहे. 


या नंतर शाळेत होणाऱ्या विविध गणित स्पर्धेत मी सहभाग घेऊ लागलो. इयत्ता चौथीत असताना मी स्कॉलरशिप ची परीक्षा दिली व गणिती विषयात मला 100 पैकी 92 मार्क प्राप्त झाले. मला शासनाकडून शिक्षणासाठी मोफत स्कॉलरशिप मिळाली. जेव्हा पण मला अभ्यास करायला सांगितले जायचे. तेव्हा मी गणित चे पुस्तक उघडून उदाहरणे सोडवत बसायचो. परंतु गणितात असलेल्या आवडमुळे हळू हळू इतर विषयांकडे माझे दुर्लक्ष व्हायला लागलं. जेव्हा इयत्ता 5 वी चा निकाल लागला तेव्हा मला गणितात पैकी च्या पैकी मार्क होते. परंतु इतर विषयात मला खूप कमी कमी मार्क मिळाले. विज्ञान विषयात तर मी काठावर पास झालो. घरी आल्यावर माझ्या वडिलांनी मला व्यवस्थित समजाऊन सांगितले की मी सर्व विषयांकडे समान लक्ष द्यायला हवे. 


या नंतर मी पण सर्व विषयांचा मन लाऊन सारखाच अभ्यास करू लागलो. हळू हळू मला गणिता शिवाय इतर विषयांमध्येही आवड निर्माण झाली. व यांच्या पुढच्याच वर्षी सहामाई परीक्षेत मी सर्व विषयांमध्ये चांगले मार्क मिळवून उत्तीर्ण झालो व आत मी वर्गातील तसेच आमच्या शेजारी असणाऱ्या इतर मुलांना गणित विषयात येत असलेल्या अडचणी सोडवण्यात मदत करतो. भविष्यात मोठे झाल्यावर मला एक गणित तज्ञ बनण्याची इच्छा आहे.

***


2) माझा आवडता विषय मराठी निबंध- maza avadta vishay marathi nibandh

जेव्हा मी इयत्ता दहावीत आलो तेव्हा घरातील सर्वांनी मला चांगले मार्क पाडून उत्तीर्ण व्हायला सांगितले. मला माहित होते की गणितात मला चांगले मार्क मिळवण्यापासून कोणीही रोखू शकत नाही. म्हणून मी गणितासोबत इतर विषयांची तयारीही करू लागलो. माझे स्वप्न लहानपणापासूनच एक गणितज्ञ बनण्याचे आहे. कारण माझा आवडता विषय गणित आहे. गणितातील उदाहरणे सोडवणे मला खूप आवडते.


मी गणितातील सर्व महत्त्वाचे सूत्र लक्षात ठेवले आहे. या सूत्रांचा गणित उदाहरणे सोडविताना खूप उपयोग होतो. माझे बरेच मित्र गणिताचा अभ्यास करण्यासाठी माझ्या घरी येतात. कारण त्यांनाही माहित आहे की गणित विषयातील उदाहरणे सोडवण्यात मला जराही अडचण येत नाही. गणितात चांगला असल्याने मला इतर विषयांचा अभ्यास करण्यासाठी वेळ मिळून जातो.


प्रत्येक परीक्षेत मला गणित विषयात उच्च गुण मिळतात. यामुळे आमचे गणिताचे शिक्षक खूप खुश होतात. सरांनी बऱ्याचदा इतर मुलांसमोर माझी प्रशंसा केली आहे. माझे स्वप्न आहे की मी मोठा होऊन एक गणितज्ञ बनेल. मी स्वतःला तेव्हाच यशस्वी मानेल जेव्हा माझ्या मुळे माझे कुटुंब व शाळेचे नाव जगभरात पसरेल. 


बऱ्याचदा माझ्या शेजारी असणारे मुले माझ्याकडे गणित शिकायला येतात मला त्यांना गणित समजावण्यात खूप आनंद होतो. मी संपूर्ण चित्त लाऊन त्यांना गणित शिकवतो. माझे आईवडील माझ्या या कार्यामुळे खूप आनंदी होतात. मी गणितज्ञ आर्यभट्ट यांच्याबद्दलची पुस्तके वाचत असतो. मी भविष्यात आणखी परिश्रम करून गणित विषयात जास्तीत जास्त यश प्राप्त करेल.

***


विडियो पहा:



तर मित्रांनो हा होता माझा आवडता  विषय गणित या विषयावरील मराठी निबंध तुम्हाला Maza Avadta Vishay वर आधारित हा Marathi Nibandh कसा वाटला आम्हाला कमेन्ट मध्ये कळवा.

टिप्पणी पोस्ट करा

1 टिप्पण्या