वदनी कवळ घेता नाम घ्या श्रीहरीचे मराठी श्लोक अर्थ | vadani kaval gheta shlok meaning in marathi

वदनी कवळ घेता श्लोक | vadani kaval gheta | anna he purnabramha in marathi

मित्रांनो आपल्या प्राचीन शास्त्रामध्ये अन्नाला 'ब्रम्ह' अर्थात देवाचे स्थान दिले गेले आहे. आधीच्या काळी.. फार पूर्वी नव्हे तर आपल्या बालपणातच आई वडील, वडीलधारी मंडळी तसेच शाळेत शिक्षक आपल्याला जेवणाआधी काही श्लोक बोलायला सांगायचे. आजची नवी पिढी आपल्या मुलांना हे श्लोक शिकवायला विसरते, कीबहुणा त्यांनाच हे श्लोक येत नाहीत, म्हणून ह्या श्लोकांचे महत्व कमी झाले आहे असे अजिबात नाही. 

आजच्या या लेखात जेवणापूर्वी म्हणायचे श्लोक (वदनी कवळ घेता) व ह्या श्लोकांचा मराठी भाषेतील अर्थ देण्यात आला आहे.

वदनी कवळ घेता नाम घ्या श्रीहरीचे | vadani kaval gheta

वदनि कवळ घेता नाम घ्या श्रीहरीचे ।

सहज हवन होते नाम घेता फुकाचे ।

जिवन करि जिवित्वा अन्न हे पूर्णब्रह्म ।

उदरभरण नोहे जाणिजे यज्ञकर्म ॥१॥

जनीं भोजनी नाम वाचे वदावे ।

अती आदरे गद्यघोषे म्हणावे ।

हरीचिंतने अन्न सेवित जावे ।

तरी श्रीहरी पाविजेतो स्वभावे ॥२॥

|| जय जय रघुवीर समर्थ ||

vadani kaval gheta

अर्थ: 

१) तोंडात घास घेताना श्री हरीचे नाव घ्या, फुकटचे नाव घेतल्याने सहजच हवन (होम) होते. आपल्या शरीराचे पोषण करणारे अन्न हे साक्षात् परब्रह्म आहे. जेवण करणे म्हणजे फक्त पोट भरणे नाही तर एक यज्ञकर्म आहे म्हणून समजा असे समर्थ रामदास स्वामी सांगत आहेत.

२) लोकांशी बोलतांना आणि जेवत असतांना जिभेवर रामाचे नाव ठेवावे. अत्यंत आदरपूर्वक गडगडाटी वाणीने त्याची कीर्ती म्हणावी. हरीच्या चिंतानाने अन्न सेवन करीत जावे. असे केल्याने श्रीहरींच्या कायमच्या स्वभावाप्रमाणे तुमच्यावर त्यांची त्यांची कृपादृष्टी राहते.

तर मित्रांनो आशा पद्धतीने ह्या लेखात मी आपल्यासोबत vadani kaval gheta हे रामदास स्वामी यांचे श्लोक अर्थासहित ठेवण्याचा प्रयत्न केला. आशा करतो की ही माहिती आपणास उपयोगी ठरली असेल. व आपण देखील नियमीत जेवणाआधी हे श्लोक म्हणण्याचा निश्चय कराल, सोबतच आपल्या लहान मुलांना देखील हे श्लोक शिकवाल. जेणेकरून त्यांना देखील लहानपणा पासून योग्य संस्कार आणि ज्ञान मिळेल. 

अधिक वाचा

• अभ्यास कसा करावा
• हनुमान चालीसा मराठी
• कावळ्याची माहिती