आज क्रिसमस चा सण फक्त ख्रिस्ती देश नव्हे तर संपूर्ण जगात साजरा केला जात आहे. क्रिसमस ला मराठी भाषेत नाताळ म्हटले जाते.
आजच्या या लेखात आपण नाताळ सणावरील "नाताळ निबंध मराठी" पाहणार आहोत. पुढे देण्यात आलेले क्रिसमस चे हे दोघेही मराठी निबंध आपण आपल्या शाळा कॉलेज साठी वापरू शकतात.. तर चला सुरू करू.
नाताळ सण काय आहे?
क्रिसमस(Christmas) किंवा नाताळ ख्रिश्चन धर्मियांचा एक प्रसिद्ध सण आहे. हा सण जगभरात येशू ख्रिस्त यांचा वाढदिवस म्हणून साजरा केला जातो. येशू ख्रिस्त यांना ख्रिस्त धर्माचे जनक मानले जाते. क्रिसमस सणाच्या दिवशी लोक चर्च मध्ये जाऊन मेणबत्त्या पेटवतात व प्रार्थना करतात. याशिवाय घरे व आजूबाजूचा परिसर सुंदर रोषणाई करून सजवला जात असतो. अशा पद्धतीने क्रिसमस सण साजरा केला जातो.
नाताळ सणावर 10 ओळींचा निबंध
- क्रिसमस किंवा नाताळ हा ख्रिस्ती धर्मियांचा सर्वात मोठा व एक प्रमुख सण आहे.
- नाताळ चा सण २५ डिसेंबर ला जगभरात मोठ्या उत्साहाने साजरा केला जातो.
- ख्रिस्ती धर्माचे दैवत परमेश्वर येशू ख्रिस्त यांचा जन्मदिन म्हणून नाताळ सण साजरा केला जातो.
- ख्रिस्ती धर्म ग्रंथांनुसार येशू ख्रिस्त यांचा परमेश्वराचे पुत्र मानले जाते.
- नाताळ सणांदरम्यान बाजारात मोठ्या प्रमाणात सजावटीच्या वस्तू व खाद्य पदार्थ मिळायला लागतात.
- नाताळ सणाच्या दिवशी नवीन कपडे परिधान केले जातात.
- नवीन कपडे परिधान करून लोक चर्च मध्ये प्रार्थना करायला जातात.
- नाताळ सणाला घरी क्रिसमस ट्री आणले जाते. या झाडाची सजावट करून त्याला आकर्षित बनवले जाते.
- नाताळ च्या दिवशी लहान मुले संताक्लॉज ची आतुरतेने वाट पाहतात. संताक्लॉज हे एक काल्पनिक पात्र असून ते आकर्षक असे लाल व पांढऱ्या रंगाचे कपडे परिधान करून लहान मुलांना खेळणी व चॉकलेट भेट देतात.
- या दिवशी नातेवाईक व मित्र मंडळींना भेटून "मेरी क्रिसमस" बोलून क्रिसमस च्या शुभेच्छा दिल्या जातात.
नाताळ मराठी निबंध - Christmas Essay in Marathi
(२५० शब्द)
ख्रिसमस किंवा नाताळ हा सण दरवर्षी 25 डिसेंबर ला साजरा केला जातो. याच दिवशी येशू ख्रिस्ताचा जन्म झाला होता. ख्रिसमस हा ख्रिस्ती धर्माचा प्रमुख सण आहे. पण आजकाल ख्रिस्ती धर्मासोबतच भारतात हिंदू व अन्य धर्माचे लोक देखील या सणाला साजरा करतात. भारतात ख्रिसमस सणांची प्रमुखता वाढत आहे. येशू ख्रिस्त उच नीच व भेदभाव मानत नसतं. त्यांनी जगभरातील लोकांना प्रेम आणि एकतेने राहण्याचा संदेश दिला. ख्रिसमस सणाच्या पाच दिवसानंतर नवीन वर्ष सुरू होते. या मुळे जगभरात डिसेंबर महिन्याच्या शेवटचे 10 दिवस उत्साह आणि आनंदाने भरलेले असतात.
ख्रिसमस ख्रिस्ती धर्मीयांचा सर्वात मोठा सण आहे, ज्याला थंडीच्या दिवसात साजरे केले जाते. या दिवशी सर्व सरकारी शाळा, कॉलेज, ऑफिस बंद राहतात. ख्रिसमस सणाला लोक उत्साहाने साजरा करतात या दिवशी घर व दुकाने सजवल्या जातात. ख्रिसमस च्या काही दिवस आधीच लोक आपल्या घरांना वेगवेगळ्या रंगाच्या लाईटिंग ने सजवतात. बाजारात क्रिसमस ट्री, केक, संताक्लॉज चे लाल आणि पांढऱ्या रंगाचे कपडे, गिफ्ट इत्यादी वस्तू मिळायला लागतात.
25 डिसेंबर क्रिसमस डे च्या दिवशी लोक चर्च मध्ये जाऊन मेणबत्त्या पेटवतात आणि प्रार्थना करून परमेश्वर येशू ख्रिस्तांना आठवण करतात. या दिवशी लोक आपल्या घरात क्रिसमस ट्री सजवतात आणि एक दुसऱ्याला केक खाऊ घालून शुभेच्छा देतात.
लहान मुले ख्रिसमस ची आतुरतेने वाट पाहतात. या दिवशी संताक्लॉज विषयी मुलांना विशेष आकर्षण असते. संताक्लॉज हा लाल कपडे परिधान केलेला एक व्यक्ती असतो, जो लहान मुलांना चॉकलेट व भेटवस्तू देत असतो .
संपूर्ण जगात ख्रिसमस आनंदाने साजरा केला जातो. हा सण लोकांना एक दुसऱ्याशी जोडतो. ख्रिसमसचा सण लोकांना एक दुसर्यासोबत मिळून-मिसळून राहण्याचा संदेश देतो व परमेश्वर येशू ख्रिस्ताद्वारे शिकवल्या गेलेल्या शिकवणी क्षमा, बंधुत्व आणि त्याग यासारख्या गोष्टी आत्मसात करायला बोध देतो.
***
नाताळ शुभेच्छा संदेश << वाचा येथे
क्रिसमस मराठी निबंध - Christmas Essay in Marathi
ख्रिश्चन धर्माचे लोक दरवर्षी 25 डिसेंबरला ख्रिसमसचा सण साजरा करतात. हा सण ख्रिश्चन धर्माचा सर्वात मोठा सण आहे या दिवशी जीजस ख्राईस्ट अर्थात येशू ख्रिस्त यांचा जन्म झाला होता. येशू ख्रिस्त यांनी मानव जातीला प्रेम व क्षमा करणे शिकवले. सर्वांना प्रेम करा आपल्या क्षत्रूंना क्षमा करा हा त्यांचा संदेश होता. येशू ख्रिस्तांना ख्रिस्ती धर्माचे जन्मदाता मानले जाते.
ख्रिसमसचा सण संपूर्ण जगात अतिशय उत्साहाने साजरा होतो. जगातील ज्या ज्या देशात ख्रिश्चन धर्माचे लोक राहतात तिथे हा सण साजरा केला जातो. या दिवशी ख्रिश्चन धर्मीय लोक चर्चमध्ये जातात व येशू परमेश्वराला प्रार्थना करतात. येशू ख्रिस्त मानवजातीसाठी सुळीवर लटकले होते. पण या नंतर ते परत एकदा जिवंत झाले. व लोकांना प्रेम आणि क्षमा शिकवली. ज्या लोकांनी त्यांना सुळीवर चढविले होते त्यांना देखील येशूंनी क्षमा केली. येशू ख्रिस्ताच्या चमत्कारांच्या कथा पवित्र ग्रंथ बायबल मध्ये सांगितल्या गेल्या आहेत.
ख्रिसमसचा सण आनंद साजरा करण्यासाठी असतो. या दिवसाची तयारी करीत आधीपासूनच घराची साफसफाई केली जाते. घरात नवीन फर्निचर विकत घेतले जाते. ख्रिसमस च्या दिवशी घालण्यासाठी नवीन कपडे विकत आणले जातात. दुकानात केक आणि मिठाई साठी ऑर्डर दिल्या जातात. घरात अतिथी पाहुण्यांचे आगमन सुरू होते. बाजार नववधू सारखे सजून गेलेले असतात. डिसेंबरमध्ये कडाक्याची थंडी पडलेली असते तरीही लोक उत्साहाने हा सण साजरा करतात.
ख्रिसमसच्या दिवशी घरात सकाळपासूनच तयारी सुरु होते. आंघोळ करून चर्चमध्ये जाण्याची तयारी सुरू होते. चर्चला देखील या दिवशी सजवले जाते तिथं मेणबत्त्या लावून येशू ख्रिस्ताचा समोर प्रार्थना केली जाते. चर्चमधील पाध्री विधिवत पूजा व अनुष्ठान करतात. काही काही ठिकाणी धार्मिक प्रवचन पण दिले जातात.
घरात केक व स्वादिष्ट पकवान बनवले जातात. व सर्वजन मजा घेऊन हे पदार्थ खातात. शेजारी कोणत्याही धर्माचा असो त्याला देखील या मेजवानीत समाविष्ट केले जाते. ख्रिसमसच्या दिवशी संता क्लोज ला खूप आठवण केले जाते. सांताक्लॉज लांब केस, पांढरी दाढी व लाल पांढरे कपडे घातलेला एक व्यक्ती असतो. सांताक्लॉज ख्रिसमस च्या दिवशी येतो व मुलांना चॉकलेट, फुगे, मिठाई, कपडे असे वेगवेगळे गिफ्ट देऊन जातो. लहान मुलांना आनंदित करण्यासाठी बरेच लोक या दिवशी सांताक्लॉज चे कपडे घालून येतात.
अशा पद्धतीने ख्रिसमस चा हा सण सर्वांसोबत मिळून राहण्याच्या संदेश देतो. येशू ख्रिस्तांचे मत होते की दिन दुःखितांची सेवा जगातील सर्वात मोठा धर्म आहे.
***
क्रिसमस विषयी महत्वाची माहिती
२५ डिसेंबर ला क्रिसमस डे का साजरा केला जातो?
ख्रिस्ती धर्मियांनुसार २५ डिसेंबर ला येशू ख्रिस्त यांचा जन्म झालेला असल्याने हा दिवस क्रिसमस डे या स्वरूपात साजरा केला जातो. येशू ख्रिस्त यांना परमेश्वराचे पुत्र म्हणून पुजले जाते. ख्रिस्ती धर्माचा पवित्र ग्रंथ बायबल मध्ये येशू यांच्या जन्म दिनांकाविषयी कुठलाही उल्लेख आढळत नाही. परंतु इतिहासानुसार सांगितले जाते कि सन 350 मध्ये रोमन पादरी पोप जुलियस यांनी पहिल्यांदाच २५ डिसेंबर हा दिवस क्रिसमस म्हणून साजरा केला. व तेव्हापासून अधिकारक दृष्ट्या क्रिसमस दिवस २५ डिसेंबरलाच साजरा केला जाऊ लागला.
सांताक्लॉज कोण होते? - Who was Santa Clause in Marathi
येशू ख्रिस्त यांच्या मृत्यूच्या 280 वर्षानंतर संत निकोलस यांचा जन्म झाला. संत निकोलस गर्भश्रीमंत होते व ते त्यांचा दयाळू स्वभाव आणि दानी वृत्ती साठी विशेष प्रसिद्ध होते. त्याकाळात त्यांनी आपल्याकडे असलेली सर्व संपत्ती गरजू लोकांचे साहाय्य करण्यात खर्च केली. निकोलस यांना लहान मुले खूप प्रिय होते. संत निकोलस यांच्या या उदार स्वभावामुळे त्यांना आज सांताक्लॉज म्ह्णून जगभरात ओळखले जाते
तर मित्रानो हे होते नाताळ या सणावर लिहिलेले नाताळ निबंध मराठी(Christmas Essay in Marathi) हे निबंध तुम्हाला कसे वाटले आम्हाला कंमेंट्स मध्ये नक्की सांगा. निबंध लिहीत असतांना आमच्याकडून काही चूक झाली असेल तर ते देखील कळवा. धन्यवाद